सातारा 24 तास

पालखी सोहळ्याच्या नियोजन बैठकीत प्रसारमाध्यमांना ठेवले दूर. प्रशासनाला प्रसारमाध्यमांची एलर्जी ? फलटण प्रतिनिधी | जुबेरभाई कोतवाल.  संत ज्ञानेश्वर महाराज पालखी सोहळ्याला अवघे काही दिवस बाकी असताना त्या पार्श्वभूमीवर पंचायत समिती, फलटण येथे प्रशासनाच्या वतीने महत्त्वाची समन्वय व नियोजन बैठक आयोजित करण्यात आली होती. यावेळी पालखी सोहळ्याच्या तयारीचा आढावा घेतल्याची माहिती आहे. मात्र, या बैठकीपासून स्थानिक प्रसारमाध्यमांच्या प्रतिनिधींना जाणीवपूर्वक दूर ठेवण्यात आल्याचा आरोप होत असून, या प्रकारामुळे पत्रकार आणि नागरिकांमध्ये आश्चर्य व्यक्त केले जात आहे. या बैठकीत यावेळी आमदार सचिन पाटील, जिल्हा परिषद अध्यक्ष डॉ. प्रिया शिंदे, पंचायत समिती सभापती शिवांजली भोसले, लोकनियुक्त नगराध्यक्ष समशेरसिंह नाईक निंबाळकर,सातारा जिल्हा परिषदेचे मुख्य कार्यकारी अधिकारी श्रीमती याशनी नागराजन, पंचायत समिती उपसभापती अमोल सस्ते, पंचायत समिती गट विकास अधिकारी अक्षय गव्हाटे व सर्व जिल्हा परिषद तसेच पंचायत समिती सदस्य, पालखी सोहळा मार्गावरील सर्व गावातील सरपंच व ग्रामसेवक उपस्थित होते.जिल्हा परिषद...

फलटणच्या पोस्ट ऑफिसचा भोंगळ कारभार. सोनवडी प्रतिनिधी, नासिर शेख.  फलटण तालुक्याच्या मुख्य पोस्ट ऑफिस मध्ये अनेक जेष्ठ नागरिक, सेवानिवृत्त कर्मचारी यांच्या काही ठराविक रुपयांच्या ठेवी आहेत. ज्येष्ठ नागरिक व सेवानिवृत्त कर्मचारी हे वयोमानानुसार थकलेले आजारी असतात तरीसुद्धा ते पोस्टामध्ये त्यांच्या मासिक व्याज काढणे.आरडी भरणे यासाठी येतात परंतु पोस्टमध्ये त्यांना सन्मानपूर्वक वागणूक दिली जात नाही. उद्धटपणे बोलवले जाते. इथेही भरायचं समजत नाही का, कळत नाही का, फॉर्म पुन्हा भरून या, कोणतेही योग्य मार्गदर्शन केले जात नाही. तसेच पासबुक विसरले किंवा पोस्टातच राहिले तर पुन्हा दुसरे पासबुक काढण्यासाठी साठ रुपये फी व महिनाभर त्याची वाट पहावी लागते हा अन्याय जेष्ठ नागरिकांवर आहे.पोस्टामध्ये बसण्यासाठी योग्य सुविधा नाही.पिण्याचे पाणी याची कोणती सोय केली गेलेली नाही. तरी ज्येष्ठ नागरिक यांच्यासाठी बसण्याची व्यवस्था व फॉर्म भरताना मदत करण्यात यावी.तसेच त्यांच्याशी सभ्यपणे बोलण्यात यावे. जाणीवपूर्वक मानसिक त्रास देणे. हेलपाटे मारायला लावणे ही गंभीर बाबअसून वरिष्ठ अधिकाऱ्यांनी याची नोंद ...

फलटण नगर परिषदेच्या विशेष सभेत २१ विषयांना मंजुरी; पालखी सोहळ्याच्या तयारीसह विकासकामांना गती. फलटण प्रतिनिधी | जुबेरभाई कोतवाल. फलटण नगर परिषदेची विशेष सर्वसाधारण सभा नगराध्यक्ष समशेरसिंह नाईक निंबाळकर यांच्या अध्यक्षतेखाली पार पडली. सभेत आगामी संत ज्ञानेश्वर महाराज पालखी सोहळ्याच्या पूर्वतयारीसह शहरातील विविध विकासकामांशी संबंधित एकूण २१ विषयांना सर्वानुमते मंजुरी देण्यात आली.सभेतील सर्वाधिक चर्चेचा विषय सगुणामाता नगर येथील साई मंदिरासमोरील 'रामराजे उद्यान' या उद्यानाच्या नामांतराचा ठरला. उद्यानाचे नाव बदलून 'संत सगुणामाता उद्यान' करण्याचा प्रस्ताव अशोक जाधव यांनी मांडला. या प्रस्तावाचे वाचन सौ. मंगलादेवी नाईक निंबाळकर यांनी केले, तर किरण राऊत यांनी अनुमोदन दिले.चर्चेदरम्यान ज्येष्ठ नगरसेवक पांडुरंग गुंजवटे यांनी उद्यानाला माजी खासदार कै. हिंदुराव नाईक निंबाळकर यांचे नाव देण्याची सूचना केली. त्यावर नगराध्यक्ष समशेरसिंह नाईक निंबाळकर यांनी, कै. हिंदुराव नाईक निंबाळकर यांच्या नावाने आधीच खाजगी संस्थांचे नामकरण झाले असल्याने शासकीय उद्यानाला 'संत सगुणामात...

लोकसेवा प्रतिष्ठान व आमदार महेश शिंदे, डॉ.प्रियाताई शिंदे युवा विचार मंच यांच्याकडून खातगुण येथे वृक्ष रोपणाचे वाटप.   पुसेगाव प्रतिनिधी, पंकज कदम.  खातगुण तालुका खटाव येथे लोकसेवा प्रतिष्ठान खातगुण व आमदार महेश दादा शिंदे व डॉ.प्रियाताई शिंदे विचार मंच यांच्या संयुक्त उपक्रमाने खातगुण गावात विविध ठिकाणी वृक्षरोपणाचे वाटप करण्यात आले. वटपौर्णिमा सणा निमिंत्त वटवृक्षाची पूजा करायला येणाऱ्या माता भगिनींना विविध प्रकारचे वृक्ष भेट देऊन एक वेगळा उपक्रम साजरा करण्यात आला.त्यामध्येवड,चिंच,पिंपळ,पेरू,आंबा,आवळा,जांभूळ,लिंब,कडीपत्ता,सीताफळ,अशोक इत्यादी विविध प्रकारचे वृक्षचे वाटप करण्यात आले. यामध्ये जि.प.शाळा व वेदावती हायस्कूल. या शाळा देखील वृक्ष देण्यात आले.तर यावेळी उपस्थीत मान्यवर खटाव तालुका वनक्षेत्रपाल मा.श्री.राजेंद्र सातपुते,वनपाल सागर कुंभार,वनरक्षक कोळी,व श्री.योगेश लावंड पाटील,संस्थापक अध्यक्ष लोकसेवा प्रतिष्ठान,खातगुण यांची प्रमुख उपस्थिती होती. यावेळी गावांमधील गणेश चव्हाण ,विनोद कलेती ,सचिन हिंगमिरे,विक्रम लावंड,मनोज लावंड,अनिल जाधव ,गणेश कारंडे,गुजबा ...

फलटण ग्रामीण पोलिसांची गांजा लागवडीवर धडक कारवाई; ७ किलोहून अधिक गांजाची झाडे जप्त. पुसेगाव प्रतिनिधी :अकबर भालदार. फलटण ग्रामीण पोलिसांनी अमली पदार्थांविरोधातील विशेष मोहिमेअंतर्गत गांजाची लागवड करणाऱ्या व्यक्तीवर धडक कारवाई करत ७ किलो १४३ ग्रॅम वजनाची गांजाची झाडे जप्त केली आहेत. जप्त केलेल्या गांजाची अंदाजे किंमत ३४ हजार ६५० रुपये असल्याची माहिती पोलिसांनी दिली. जिल्हा पोलीस अधीक्षक निखील पिंगळे व अप्पर पोलीस अधीक्षक वैशाली कडुकर यांच्या मार्गदर्शनाखाली जिल्ह्यात अवैध धंद्यांविरोधात विशेष मोहीम सुरू आहे. त्याअंतर्गत २५ जून २०२६ रोजी फलटण तालुक्यातील गुणवरे गावातील घुलेवस्ती परिसरात एका घराशेजारी गांजाची लागवड करण्यात आल्याची गोपनीय माहिती फलटण ग्रामीण पोलिसांना मिळाली होती.या माहितीच्या आधारे सहाय्यक पोलीस निरीक्षक प्रशांत सुबनावळ यांच्या पथकाने घटनास्थळी छापा टाकला. कारवाईदरम्यान ७ किलो १४३ ग्रॅम वजनाची गांजाची झाडे आढळून आली. याप्रकरणी अंकुश रामचंद्र कोळेकर (रा. गुणवरे, ता. फलटण, जि. सातारा) यांच्याविरुद्ध संबंधित कायद्यान्वये गुन्हा दाखल करण्यात आला आहे.ही कारवाई उपवि...

खासदारांच्या 'त्या' वक्तव्याने पत्रकार वर्गात संताप; डिजिटल मीडिया संपादक पत्रकार संघटनेचा तीव्र निषेध, सर्व जिल्ह्यांत आंदोलनाचा इशारा. पुसेगाव प्रतिनिधी :अकबर भालदार. लोकशाहीचा चौथा स्तंभ म्हणून ओळखल्या जाणाऱ्या पत्रकारितेचा महाराष्ट्रात नेहमीच सन्मान केला जातो. मात्र, शिवसेनेचे खासदार संजय दिना पाटील यांनी पत्रकारांना अश्लील भाषेत शिवीगाळ करत जीवे मारण्याची धमकी दिली आहे. त्यांचे हे वक्तव्य महाराष्ट्राच्या सुसंस्कृत परंपरेला अजिबात शोभणारे नाही, अशा शब्दांत 'अखिल भारतीय डिजिटल मीडिया संपादक पत्रकार संघटनेने' या घटनेचा जाहीर निषेध केला आहे. तसेच, पत्रकारांचा अपमान करणाऱ्या संबंधित खासदारावर तातडीने कडक कारवाई करण्यात यावी, अशी मागणी संघटनेने केली आहे. सर्व जिल्ह्यांत आंदोलन छेडणार या घटनेचा तीव्र निषेध व्यक्त करताना डिजिटल मीडिया संपादक पत्रकार संघटनेचे संस्थापक अध्यक्ष राजा माने, प्रदेशाध्यक्ष सतीश भाऊ सावंत आणि राज्य महासचिव विकास भोसले यांनी एका प्रसिद्धीपत्रकाद्वारे संघटनेची भूमिका स्पष्ट केली आहे. खासदारांच्या या वर्तणुकीविरोधात आता संपूर्ण महाराष्ट्रातील पत्रकार...

पुसेगाव पोलिसांनी खटाव जवळील मळवी शिवारात हातभट्टीवर छापा मारून , १ लाख १ हजारांचा मुद्देमाल जप्त! पुसेगाव/प्रतिनिधी अवैध धंद्यांविरुद्ध पुसेगाव पोलिसांनी धडक मोहीम हाती घेतली असून, खटाव गावाजवळील सिरस वस्ती लगत असलेल्या मळवी शिवारात पोलिसांनी हातभट्टीवर मोठी कारवाई केली आहे. या छाप्यात पोलिसांनी तब्बल १ लाख १ हजार रुपये किमतीचा मुद्देमाल जप्त करून जागीच नष्ट केला आहे. याप्रकरणी एका आरोपीविरुद्ध गुन्हा दाखल करण्यात आला आहे. मिळालेल्या माहितीनुसार, २५ जून २०२६ रोजी पुसेगाव पोलीस ठाण्याच्या हद्दीत मळवी शिवारात अवैध हातभट्टी सुरू असल्याची खात्रीशीर माहिती पोलिसांना मिळाली होती. या माहितीच्या आधारे पोलिसांनी तात्काळ पथक तयार करून सदर ठिकाणी छापा टाकला. या कारवाईदरम्यान पोलिसांनी मळवी शिवारातून खालील तपास मुद्देमाल जप्त केला.गुळमिश्रित रसायन ९ प्लास्टिक बॅरल्समध्ये भरलेले एकूण २२५ लिटर गुळमिश्रित रसायन (किंमत रु. १,००,०००/-) हातभट्टी दारू ५ लिटर क्षमतेचे २ कॅन, ज्यामध्ये एकूण १० लिटर हातभट्टी दारू होती (किंमत रु. १,०००/-) पोलिसांनी एकूण १ लाख १ हजार रुपयांचा मुद्देमाल जप्त करून,...

रेवलकरवाडीचे माजी उपसरपंच हनुमंत कदम यांचे अल्पशा आजाराने निधन. पुसेगाव/प्रतिनिधी, अकबर भालदार. रेवलकरवाडी ता. खटाव ग्रामपंचायतीचे माजी उपसरपंच आणि गावच्या विकासात महत्त्वाचे योगदान देणारे ज्येष्ठ नेते श्री. हनुमंत माणिक कदम यांचे काल शुक्रवारी रात्री ९:३० वाजता कराड येथील कृष्णा हॉस्पिटलमध्ये उपचारादरम्यान दुःखद निधन झाले. मृत्यूसमयी त्यांचे वय ६३ वर्षे होते. त्यांच्या निधनाने रेवलकरवाडी आणि खटाव तालुक्यात सर्वत्र हळहळ व्यक्त होत आहे.हनुमंत कदम हे १९९५ च्या काळात रेवलकरवाडी ग्रामपंचायतीचे उपसरपंच म्हणून कार्यरत होते. त्यांच्या या कार्यकाळात त्यांनी गावच्या विकासाचे अनेक प्रश्न मार्गी लावले. तत्कालीन वैज्ञानिक विकास महामंडळ (महाराष्ट्र राज्य) चे अध्यक्ष श्री. सुभाष देसाई यांच्या फंडातून डोंगरी भागातील गावासाठी ५ किलोमीटरचा डांबरी रस्ता मंजूर करून आणण्यात त्यांचा मोठा वाटा होता. त्यांच्याच हस्ते या रस्त्याचे भूमीपूजन झाले होते, ज्यामुळे डोंगरी गावांमध्ये एसटी बस सुरू होण्याचा मार्ग मोकळा झाला होता. यासोबतच त्यांनी 'वन संरक्षण समिती'चे अध्यक्ष म्हणूनही उल्लेखनीय काम प...

पुसेगाव येथेच अतिरिक्त जिल्हाधिकारी कार्यालय मंजूर करा; बाजार समिती संचालक अभिजित (गणेश )जाधव. पुसेगाव/प्रतिनिधी, अकबर भालदार. खटाव, माण आणि फलटण तालुक्यासाठी प्रस्तावित असलेले अतिरिक्त जिल्हाधिकारी कार्यालय फलटणऐवजी पुसेगाव येथे मंजूर करण्यात यावे, अशी आक्रमक आणि न्याय्य मागणी पुसेगाव कृषी उत्पन्न बाजार समितीचे संचालक **अभिजित (गणेश) जाधव** यांनी केली आहे. पुसेगाव हे तिन्ही तालुक्यांच्या केंद्रस्थानी (मध्यवर्ती ठिकाणी) असल्याने हाच पर्याय सर्वसामान्य जनतेसाठी सोयीचा आणि न्याय देणारा ठरेल, असे त्यांनी म्हटले आहे. याबाबत प्रसिद्धीस दिलेल्या पत्रकात अभिजित जाधव यांनी प्रशासनाचे लक्ष वेधले असून, फलटण येथे कार्यालय झाल्यास माण-खटावच्या दुर्गम भागातील जनतेवर मोठा प्रशासकीय अन्याय होईल, अशी भीती व्यक्त केली आहे. **प्रशासकीय कार्यालयासाठी पुसेगावच योग्य का?** संचालक अभिजित जाधव यांनी पुसेगावच्या बाजूने खालील महत्त्वाचे मुद्दे मांडले आहेत: भौगोलिक केंद्रस्थान पुसेगाव हे खटाव, माण आणि फलटण या तिन्ही तालुक्यांच्या अगदी मध्यभागात वसलेले आहे. तिन्ही तालुक्यांतील कोणत्याही गावावरून पुसे...

रणरागिनी बहुउद्देशीय सामाजिक विकास संस्था अंतर्गत रोजगार मेळावा उत्साहात संपन्न.  फलटण प्रतिनिधी राजेंद्र मदने. रणरागिणी बहुउद्देशीय सामाजिक विकास संस्था अंतर्गत MILTON सोलर लिमिटेड कंपनीचे ट्रेनिंग व रोजगार मेळावा  गुरुवार दिनांक 25/06/2026 रोजी हॉटेल महाराज एक्झिक्यूटिव्ह संपन्न झाला यावेळी रणरागिणी बहुउद्देशीय सामाजिक संस्थेच्या वतीने सातारा जिल्ह्यातील महिला पुरुष रोजगार मेळाव्यासाठी आवाहन करण्यात आले होते. संस्थेच्या आव्हानाला उत्स्फूर्त प्रतिसाद मिळाला बहुसंख्या ने  महिला व पुरुष मेळाव्यामध्ये सामील झाले.त्या वेळी मिल्टन कंपनीच्या वतीने स्पेशल ट्रेनर श्री. कुणाल पाटील यांना आमंत्रित करण्यात आले होते. त्यांनी अतिशय सोप्या भाषेमध्ये कंपनी विषयी व सोलर विषयी सर्वांना माहिती दिली यावेळी विचारलेल्या प्रश्नांना त्यांनी अतिशय सोप्या भाषेत उत्तरे दिली. व सर्वांचे समाधान केले त्यावेळी संस्थेच्या वतीने  संस्थापक सौ.रझिया शेख सूत्र संचालन केले मिल्टन कंपनीचे पार्टनर श्री. मुबारक शेख यांचा सत्कार श्री. अप्पासाहेब कापसे संचालक रणरागिणी बहुउद्देशीय सामाजिक विकास ...

फलटण ग्रामीण पोलिसांची गांजा लागवडीवर धडक कारवाई; ७ किलोहून अधिक गांजाची झाडे जप्त. फलटण प्रतिनिधी : जुबेर कोतवाल. फलटण ग्रामीण पोलिसांनी अमली पदार्थांविरोधातील विशेष मोहिमेअंतर्गत गांजाची लागवड करणाऱ्या व्यक्तीवर धडक कारवाई करत ७ किलो १४३ ग्रॅम वजनाची गांजाची झाडे जप्त केली आहेत. जप्त केलेल्या गांजाची अंदाजे किंमत ३४ हजार ६५० रुपये असल्याची माहिती पोलिसांनी दिली. जिल्हा पोलीस अधीक्षक निखील पिंगळे व अप्पर पोलीस अधीक्षक वैशाली कडुकर यांच्या मार्गदर्शनाखाली जिल्ह्यात अवैध धंद्यांविरोधात विशेष मोहीम सुरू आहे. त्याअंतर्गत २५ जून २०२६ रोजी फलटण तालुक्यातील गुणवरे गावातील घुलेवस्ती परिसरात एका घराशेजारी गांजाची लागवड करण्यात आल्याची गोपनीय माहिती फलटण ग्रामीण पोलिसांना मिळाली होती.या माहितीच्या आधारे सहाय्यक पोलीस निरीक्षक प्रशांत सुबनावळ यांच्या पथकाने घटनास्थळी छापा टाकला. कारवाईदरम्यान ७ किलो १४३ ग्रॅम वजनाची गांजाची झाडे आढळून आली. याप्रकरणी अंकुश रामचंद्र कोळेकर (रा. गुणवरे, ता. फलटण, जि. सातारा) यांच्याविरुद्ध संबंधित कायद्यान्वये गुन्हा दाखल करण्यात आला आहे.ही कारवाई उपविभ...

पत्रकारांना धमकी देणाऱ्या खासदार संजय दिना पाटील यांचा फलटणमध्ये जाहीर निषेध; भारतीय पत्रकार संघाचे वतीने प्रशासनाला निवेदन. फलटण प्रतिनिधी: जुबेर कोतवाल. पत्रकारांना अर्वाच्य भाषेत शिवीगाळ करून जीवे मारण्याची धमकी दिल्याच्या आरोपावरून खासदार संजय दिना पाटील यांच्या विरोधात फलटण येथे भारतीय पत्रकार संघाच्या वतीने तीव्र आंदोलन करण्यात आले. यावेळी पत्रकारांनी जोरदार निदर्शने करत खासदार पाटील यांचा जाहीर निषेध नोंदविला तसेच घोषणाबाजी करून संताप व्यक्त केला. भारतीय पत्रकार संघ, सातारा विभागाच्या वतीने फलटणचे तहसीलदार डॉ. अभिजीत जाधव, उपविभागीय पोलीस अधिकारी धन्यकुमार गोडसे तसेच फलटण शहर पोलीस ठाण्याचे पोलिस निरीक्षक अरविंद काळे यांना निवेदन देण्यात आले. या निवेदनात खासदार संजय दिना पाटील यांनी पत्रकारांना सार्वजनिक ठिकाणी अर्वाच्य भाषेत शिवीगाळ केल्याचा, जीवे मारण्याची धमकी दिल्याचा तसेच पत्रकारांमध्ये भीतीचे वातावरण निर्माण करण्याचा गंभीर आरोप करण्यात आला आहे.निवेदनात म्हटले आहे की, पत्रकार हा लोकशाहीचा चौथा स्तंभ असून जनतेपर्यंत सत्य माहिती पोहोचविण्याचे महत्त्वपूर्ण कार्य कर...

जायगाव ता. खटाव येथील सुपुत्र रवींद्र विश्वनाथ देशमुख विश्वकर्मा गुणवंत कामगार पुरस्काराने सन्मानित.  औंध प्रतिनिधी, नवनाथ देशमुख.  महाराष्ट्र कामगार कल्याण निधी अधिनियम 1953 अंतर्गत महामंडळाकडे कामगार निधी भरणाऱ्या कामगार व कर्मचाऱ्यांना साहित्य सामाजिक शैक्षणिक क्रीडा आदी क्षेत्रातील विशेष योगदानासाठी महामंडळाकडून विश्वकर्मा गुनवंत कामगार कल्याण पुरस्कार पूर्वीचे नाव गुणवंत कामगार कल्याण पुरस्कार व कामगार भूषण पुरस्कार दिला जातो त्याचबरोबर पुढील दहा वर्ष साहित्य सामाजिक शैक्षणिक क्रीडा आदी क्षेत्रात योगदान दिल्याने विश्वकर्मा गुणवंत पुरस्कार व कामगार भूषण पुरस्कार सन 2024 अंतर्गत एकूण बावन कामगारांची निवड करण्यात आली असून त्यांना रोख रक्कम पारितोषिक म्हणून रक्कम रुपये 25000 व स्मृतिचिन्ह व प्रशस्तीपत्र असे पुरस्काराने सन्मानित करण्यात आले आहे त्यापैकी श्री रवींद्र विश्वनाथ देशमुख यांची निवड करून त्यांना विश्वकर्मा गुणवंत कामगार पुरस्कार प्रशस्तीपत्र. स्मृतीपत्र. रक्कम रु.50000 देऊन पुरस्काराने सन्मानित केलेने जायगाव तालुका खटाव व पंचक्रोशीतील ग्रामस्थांच्या वतीने...

गिरवी गावचे सुपुत्र सिध्दांत राजेंद्रप्रसाद निकाळजे यांचे  एम. बी.बी.एस परीक्षेत उज्वल यश. फलटण प्रतिनिधी, जुबेर कोतवाल. अत्यंत प्रतिकूल परिस्थितीवर मात करत फलटण तालुक्यातील गिरवी गावचे सुपुत्र व सध्या फलटण येथे वास्तव्यात असणारे सिध्दांत राजेंद्रप्रसाद निकाळजे यांनी महाराष्ट्र युनिव्हर्सिटी ऑफ हेल्थ सायन्सेस नाशिक अंतर्गत घेतलेल्या एम.बी.बी.एस फायनल परीक्षेत उज्वल यश संपादन केले आहे. भारतरत्न अटलबिहारी वाजपेयी मेडिकल कॉलेज अँड हॉस्पिटल पुणे या कॉलेज मध्ये त्यांना 2021 साली M.B.B.S साठी प्रवेश मिळाला होता . व यावर्षी झालेल्या परीक्षेत त्यांनी 1800 गुणांपैकी 1117  उत्कृष्ठ गुण मिळवून उत्तीर्ण झाले. सिद्धांत राजेंद्रप्रसाद निकाळजे यांचे शिक्षण हे मराठी माध्यमातून झाले असून ही त्यांनी पहिली ते चौथी पर्यंतचे शिक्षण निर्मलादेवी प्राथमिक विद्यामंदिर व माध्यमिक शिक्षण हे कमला निंबकर बालभवन येथून पुर्ण केले. डॉ. सिद्धांत निकाळजे यांचे वडील श्री राजेंद्र प्रसाद मानसिंग निकाळजे व आई सौ शितल राजेंद्र प्रसाद निकाळजे दोघेही जिल्हा परिषद शाळेत प्राथमिक शिक्षक आहेत या यशात डॉ सिद...

योगासनाचे महत्त्व समजून योगसाधनेचा प्रचार आणि प्रसार करणे गरजेचे : श्रीमंत संजीवराजे नाईक निंबाळकर. फलटण प्रतिनिधी:जुबेरभाई कोतवाल. दरवर्षीप्रमाणे यंदाही २१ जून रोजी फलटणसह संपूर्ण देशासह ‘महाराष्ट्रात 'आंतरराष्ट्रीय योग दिन' अत्यंत उत्साहात साजरा करण्यात आला. निरोगी आरोग्याचा संदेश देण्यासाठी फलटण एज्युकेशन सोसायटीच्या मुधोजी हायस्कूल व ज्युनिअर कॉलेजमध्ये विशेष योग शिबिरांचे आयोजन करण्यात आले होते. फलटण एज्यूकेशन सोसायटी व योगरेखा योग इंस्टिट्यूट,फलटण आणि सुहासिनी योग यांच्या संयुक्त विद्यमाने श्रीमंत शिवाजीराजे क्रीडा संकुल, फलटण येथे दरवर्षी प्रमाणे २१ जून रोजी आंतरराष्ट्रीय  योग दिनाचे औचित्य साधून योगाचे आयोजन करण्यात आले होते. श्रीमंत शिवाजीराजे क्रीडा संकुलच्या भव्य अशा मैदानावर दिड हजार विद्यार्थी , शंभर शिक्षक - शिक्षिका व योगरेखा योग इंस्टिट्यूट,फलटण आणि सुहासिनी योग वर्गाचे सहकारी  यांनी एकाच वेळी योग प्रात्यक्षिके करुन योग दिन मोठ्या उत्साहात साजरा केला.यावेळी मुधोजी हायस्कूलच्या मुलींच्या एका ग्रुपने सौ खिलारे मॅडम यांच्या मार्गदर्शनाखाली योगाची प्रात...

फलटण शहर पोलिसांचा तुकाराम मुंडे साहेब पॅटर्न मोहीम राबवत अवैद्य गुटखा पान मसाला यावर छापा टाकून अंदाजे 41,180 रु. चा मद्देमाल केला जप्त.  फलटण प्रतिनिधी राजेंद्र मदने.  नरसोबा नगर कोळकी तालुका फलटण येथील श्री किरण शशिकांत दोषी यांनी स्वतःच्या घरामध्ये शासनाने प्रतिबंध केलेला गुटखा पान मसाला यासारखा साठा करून ठेवला होता त्या साठ्यासंबंधी फलटण शहर पोलिसांना खबर मिळताच फलटण शहर पोलीस निरीक्षक यांच्या मार्गदर्शनाखाली त्यांच्या पथकाने त्वरित दिनांक 17/6/26 रोजी रात्री 8.30 वाजता श्री किरण शशिकांत दोशी यांच्या घरावर छापा टाकून गुटका पान मसाला सुगंधी तंबाखू विमल. यासारखा अवैद्य अंदाजे रक्कम रुपये 41.180 रुपयाचा मुद्देमाल हस्तगत करून किरण जोशी यांना अटक करून विमल पान मसाल्याचे उत्पादक कंपनीचे मालक भागीदार संचालक.वी.1टोमॅब्याको किंग पॅक उत्पादक कंपनीचे मालक भागीदार. सेंटर तंबाखूचे उपाध्यक्ष कंपनीचे मालक  भागीदार संचालक तुलसी जाफरांनी जर्दाचे उत्पादक कंपनीचे मालक यांच्याविरुद्ध श्रीमती रुपाली आप्पासाहेब खापणे अन्न सुरक्षा अधिकारी व औषध प्रशासन (म. रा.) विभाग सातारा यां...

वर्धनगडच्या शैक्षणिक चळवळीत संजय घोरपडे व शिक्षक वृंदांचे मोठे योगदान! श्री वर्धिनी विद्यालयात विद्यार्थ्यांचे मोफत शालेय साहित्याने स्वागत; गावाकडून कौतुकाचा वर्षाव. विशेष/प्रतिनिधी, अकबर भालदार. रयत शिक्षण संस्थेच्या 'श्री वर्धिनी विद्यालय, वर्धनगड' मध्ये नवीन शैक्षणिक वर्षाची सुरुवात एका अनोख्या आणि प्रेरणादायी सामाजिक उपक्रमाने झाली. सामाजिक कार्यात नेहमीच अग्रेसर असणारे, गावच्या हितासाठी सातत्याने धडपडणारे जात-पात अमीर गरीब या सर्व गोष्टींना फाटा देऊन आणि सर्वांच्या मदतीला धावून जाणारे मुंबईतील प्रतिष्ठित रंग कामगार संघटनेचे अध्यक्ष श्री. संजय घोरपडे साहेब यांच्या दातृत्वातून आणि विद्यालयाच्या शिक्षक वृंदांच्या सहकार्यातून गरीब व गरजू विद्यार्थ्यांना मोफत शालेय साहित्य वाटप करण्यात आले. संजय घोरपडे यांच्याकडून २४ कॅरेटचे सामाजिक योगदान आपली नाळ गावाशी घट्ट ठेवणारे सामाजिक कार्यकर्ते श्री. संजय घोरपडे साहेब यांनी खास मुंबईवरून १५,००० रुपये किमतीची दर्जेदार शालेय दप्तरे, वह्या आणि पुस्तके आणून विद्यार्थ्यांचे शैक्षणिक नुकसान टाळण्यासाठी मोठे पाऊल उचलले. एवढेच नव्...

खातगुण-कटगुणच्या सुपुत्राने दक्षिण आफ्रिकेत फडकावला तिरंगा! जगातील सर्वात खडतर 'कॉम्रेड्स मॅरेथॉन' संजय काळुखे यांनी केली यशस्वीरित्या पूर्ण. पुसेगाव  प्रतिनिधी,पंकज कदम. शब्दांना सत्याची धार आणि ध्येयाला कष्टाची जोड असेल, तर आभाळही ठेंगणे होते, याचाच प्रत्यय पुन्हा एकदा आला आहे. जगातील सर्वात जुनी, अत्यंत खडतर आणि मानवी सहनशक्तीचा अंत पाहणारी दक्षिण आफ्रिकेतील आंतरराष्ट्रीय कॉम्रेड्स मॅरेथॉन २०२६' यशस्वीरित्या पूर्ण करून कल्याणसह सातारा जिल्ह्याच्या मातीचा सुपुत्र जागतिक स्तरावर चमकला आहे. कडगुण (ता. खटाव) गावचे रहिवासी आणि खातगुण येथील वेदावती हायस्कूलचे माजी विद्यार्थी संजय आर. काळुखे यांनी या जागतिक महासंग्रामात भारताचे प्रतिनिधित्व करत तिरंगा अभिमानाने फडकावला आहे.विशेष म्हणजे, अत्यंत प्रतिकूल परिस्थितीवर जिद्दीच्या जोरावर मात करत त्यांनी मिळवलेले हे यश आणि त्यांना त्यांचे परममित्र, खातगुण सोसायटीचे माजी चेअरमन तथा कांदा-बटाट्याचे प्रसिद्ध होलसेल व्यापारी विजय लावंड यांचे मित्रत्व, यांना व ग्रामस्थांना आज आनंदाने आभाळही ठेंगणे पडत होते. 'हार मानू नका...

नीरा कालवा बंद; फलटणकरांना आता एक दिवसाआड पाणीपुरवठा. पाणीसाठा केवळ ४५ दिवस पुरणार; नागरिकांनी पाण्याचा काटकसरीने वापर करण्याचे आवाहन फलटण प्रतिनिधी | जुबेरभाई कोतवाल. फलटण शहराच्या पाणीपुरवठ्यासाठी जीवनवाहिनी मानला जाणारा नीरा उजवा कालवा बंद करण्यात आल्याने आगामी काळात शहरवासीयांना पाणीटंचाईचा सामना करावा लागणार आहे. या पार्श्वभूमीवर फलटण नगरपरिषद प्रशासनाने शहरात १८ जून २०२६ पासून एक दिवसाआड पाणीपुरवठा करण्याचा निर्णय घेतला असून याबाबतचे जाहीर प्रकटन प्रसिद्ध करण्यात आले आहे. नगरपरिषदेने दिलेल्या माहितीनुसार, सध्या उन्हाळ्याची तीव्रता कायम असून धरण क्षेत्रात अपेक्षित प्रमाणात पाऊस झालेला नाही. त्यामुळे फलटण शहराला पाणीपुरवठा करणारा नीरा उजवा कालवा १२ जून २०२६ पासून बंद करण्यात आला आहे. हा कालवा सुमारे ४५ दिवस बंद राहण्याची शक्यता असल्याने नगरपरिषदेसमोरील पाणीपुरवठ्याचे मोठे आव्हान निर्माण झाले आहे. सध्या नगरपरिषदेच्या साठवण तलावामध्ये उपलब्ध असलेला पाणीसाठा मर्यादित असून तो अंदाजे ४५ दिवस पुरेल, असे प्रशासनाचे म्हणणे आहे. त्यामुळे उपलब्ध पाण्याचे योग्य नियोजन करण्यासाठी एक दिवसाआड पा...

मुधोजी हायस्कूलमध्ये रंगला नवागतांचा स्वागत सोहळा. फलटण तालुका प्रतिनिधी:जुबेरभाई कोतवाल.  उन्हाळी सुट्टीच्या प्रदीर्घ कालावधीनंतर नवीन शैक्षणिक वर्षाच्या सुरुवातीला चिमुकल्यांच्या किलबिलाटाने शाळांचे आवार गजबजला आणि पुन्हा एकदा शाळा सुरू झाल्या. नवीन शाळेत पहिले पाऊल ठेवलेल्या चिमुकल्यांना या शाळेची गोडी निर्माण व्हावी यासाठी गुलाबपुष्प आणि पाठ्यपुस्तके देत मुलांचा शाळेचा पहिला दिवस अविस्मरणीय करण्यात आला शाळेच्या आवारात काढलेल्या रांगोळ्या, सजविलेले वर्ग याने मुलांचे स्वागत करण्यात आले. नवागतांचा हा स्वागत सोहळा मुधोजी हायस्कूल व ज्युनियर कॉलेजमध्ये  रंगला होता.गुलाबपुष्प व नवीन पाठ्यपुस्तकाने मुलांचे चेहरे खुलले : मुधोजी हायस्कूल व ज्युनियर कॉलेज च्या नवागतांचे स्वागत गुलाबपुष्प देऊन करण्यात आले. तसेच सर्व शिक्षा अभियानांतर्गत मोफत पाठ्यपुस्तकांचे वाटप प्रशालेचे मा प्राचार्य वसंत शेडगे , ज्युनियर कॉलेजचे उपप्राचार्य सोमनाथ माने , पर्यवेक्षक आर बी निंबाळकर व मान्यवर पालक प्रतिनिधी यांच्या हस्ते करण्यात आले .यावेळी प्रशालेचे मुख्याध्यापक श्री वसंतराव शेडगे यांनी प...

पुसेगाव पोलीसांनी रेस्क्यु टीमच्या मदतीने नेर तलावत बुडालेल्या व्यक्तीचा मृतदेह शोधून बाहेर काढला.   पुसेगाव/प्रतिनिधी, अकबर भालदार..       काल दि. १३ जून २०२६ रोजी खटाव तालुक्यातील पुसेगाव येथे नेर तलावावर मासे पकडण्यासाठी गेलेला ३५ वर्षीय मेहुणा अचानक बेपत्ता झाल्याची घटना घडल्या बाबतची मिसिंगची तक्रार पुसेगाव पोलिस ठाण्यात दाखल करण्यात आली.पुसेगाव येथे फरशी बसवण्याचे काम करणारे सुरेंद्र चंद्रजीत सहानी वय ४५ यांनी दिलेल्या खबरी जबाबानुसार, ते आपली पत्नी बलावती, दोन मुले अभिषेक व विवेक आणि मुलगी निशा तसेच मेहुणा जालिंदर नरशिंग सहानी वय ३५ यांच्यासह सध्या पुसेगाव येथे वास्तव्यास आहेत. तालुक्यातील निढळ येथील कॉन्ट्रॅक्टर बापू पवार यांच्या घर बांधकाम व्यवसायात ते फरशी बसाविण्याचे काम करून कुटुंबाचा उदरनिर्वाह करीत होते. मूळचे ते उत्तर प्रदेशातील गोरखपुर जिल्ह्यातील कम्पियारगंज, बक्तावर नगर, ता. चौमुखा चे रहिवासी आहेत.सुरेंद्र सहानी यांनी दिलेल्या माहितीनुसार, १३ जून २०२६ रोजी दुपारी ३ वाजता ते कामावरून घरी आले. सायंकाळी ४ वाजता ते, त्यांचा मेहुणा जालिंदर नर...

दालवडी ग्रामपंचायतीतील कथित आर्थिक गैरव्यवहार प्रकरण; तत्कालीन सरपंच मधुकर आबू शिंदे, दोन ग्रामसेवक व दोन शिपायांविरोधात चौकशी सुरू. तक्रारदारांचा आरोप; आठ दिवसांत कारवाई न झाल्यास तीव्र आंदोलनाचा इशारा फलटण तालुका प्रतिनिधी : जुबेरभाई कोतवाल. दालवडी ग्रामपंचायतीतील कथित आर्थिक गैरव्यवहार प्रकरणामुळे फलटण तालुक्यात खळबळ उडाली असून तत्कालीन सरपंच मधुकर आबू शिंदे, तत्कालीन ग्रामसेवक विष्णुपंत खोमणे, त्यानंतरचे ग्रामसेवक नंदकुमार ओव्हाळ तसेच शिपाई नारायण ननावरे व ज्ञानदेव बनकर यांच्याविरोधात चौकशी सुरू असल्याची माहिती तक्रारदार तानाजी कोलवडकर यांनी दिली आहे. तक्रारीनुसार, सन २०१९ ते जून २०२५ या कालावधीत ग्रामपंचायतीच्या कर वसुली आणि आर्थिक व्यवहारांमध्ये मोठ्या प्रमाणावर अनियमितता झाल्याचा आरोप करण्यात आला आहे. घरपट्टी, पाणीपट्टी तसेच इतर करांची वसुली करूनही संबंधित रक्कम ग्रामपंचायतीच्या दप्तरी नोंदीत अथवा बँक खात्यात जमा न झाल्याचा दावा तक्रारदारांनी केला आहे. तसेच डुप्लिकेट पावती पुस्तके वापरून कर वसुली करण्यात आल्याचा, विविध विकासकामांमध्ये आर्थिक गैरव्यवहार झाल्याचा तसेच ...

पुसेगावमध्ये १५०० विद्यार्थ्यांना शैक्षणिक मदत; रयत संघटना व गौरव जाधव मित्र समूहाचा उपक्रम पुसेगाव /प्रतिनिधी,पंकज कदम. येथील श्री सेवागिरी रयत संघटना व गौरव जाधव मित्र समूहाच्या वतीने सलग पाचव्या वर्षी पुसेगावमधील १५०० गरजू व होतकरू विद्यार्थ्यांना शैक्षणिक साहित्याचे वाटप करण्यात आले. या साहित्यामध्ये दप्तर, वह्या, कंपासपेटी, पेन, पेन्सिल आदी शैक्षणिक साहित्याचा समावेश होता. हा कार्यक्रम येथील हनुमान मंदिराच्या प्रांगणात पार पडला. श्री सेवागिरी महाराज देवस्थान ट्रस्टचे विश्वस्त गौरव जाधव आणि त्यांच्या सहकाऱ्यांनी या कार्यक्रमाचे आयोजन केले होते. याप्रसंगी श्री सेवागिरी महाराज देवस्थानचे मठाधिपती श्रीमहंत सुंदरगिरी महाराज, राष्ट्रवादी कॉंग्रेसचे प्रदेशाध्यक्ष आमदार शशिकांत शिंदे, पुणे विभागाचे माजी आयुक्त व रयत शिक्षण संस्थेचे चेअरमन चंद्रकांत दळवी, पंचायत समिती सदस्या स्नेहल गौरव जाधव, ट्रस्ट व ग्रामपंचायतीचे आजी-माजी पदाधिकारी, आजी-माजी सैनिक संघटनेचे पदाधिकारी, जयहिंद फाउंडेशनचे पदाधिकारी, विद्यार्थी, पालक व ग्रामस्थ मोठ्या संख्येने उपस्थित होते.आपली आजची येणारी पिढी ह...

श्री. तानाजी तुकाराम जाधव यांचा ३६ वर्षांच्या प्रदीर्घ सेवेनंतर सेवापूर्ती सोहळा संपन्न!. विशेष /प्रतिनिधी, अकबर भालदार.  सायन येथील श्री गौरीदत्त मित्तल विद्यालयातील वरिष्ठ शिपाई श्री. तानाजी तुकाराम जाधव यांचा सेवापूर्ती (निवृत्ती) सोहळा तरडगाव तालुका फलटण येथे अत्यंत उत्साहात आणि भावूक वातावरणात संपन्न झाला.  जाधव यांनी विद्यालयात तब्बल ३६ वर्षे अविरत, प्रामाणिक आणि निष्ठावंत सेवा बजावून सन्मानाने निवृत्ती घेतली. त्यांचा सेवानिवृत्त कार्यक्रम त्यांच्या जन्मगावी तरडगाव ता. फलटण जि. सातारा या ठिकाणी घेण्यात आला या कार्यक्रमा वेळी त्यांचा सत्कार केल्यानंतर आपले विचार व्यक्त करताना भटक्या विमुक्त संघटनेचे राज्य सरचिटणीस रामचंद्र जाधव सर म्हणाले तानाजी जाधव यांचा कष्टाचा आणि जिद्दीचा जीवन प्रवास ठरला आहे.१ मे १९६६ रोजी अत्यंत गरीब कुटुंबात जन्मलेल्या श्री. तानाजी जाधव यांनी जेमतेम शिक्षण घेऊन मुंबई गाठली. मुंबईत त्यांना शिपाई पदावर काम करण्याची संधी मिळाली. सुरुवातीच्या काळात कुटुंबाचा उदरनिर्वाह करण्यासाठी त्यांनी नोकरी सांभाळून, रोजच्या दोन तासांच्या प्रवासाव्यतिरि...

खातगुण-कटगुणचा सुपुत्र दक्षिण आफ्रिकेत गाजवणार मैदान! जगातील सर्वात खडतर 'कॉम्रेड्स मॅरेथॉन'साठी संजय काळूखे सज्ज;  विशेष /प्रतिनिधी, अकबर भालदार. शब्दांना सत्याची धार आणि ध्येयाला कष्टाची जोड असेल, तर आभाळही ठेंगणे होते, याचाच प्रत्यय पुन्हा एकदा आला आहे. जगातील सर्वात जुनी, अत्यंत खडतर आणि मानवी सहनशक्तीचा अंत पाहणारी दक्षिण आफ्रिकेतील आंतरराष्ट्रीय **'कॉम्रेड्स मॅरेथॉन  २०२६'** यंदा गाजवण्यासाठी कल्याणसह सातारा जिल्ह्याच्या मातीचा सुपुत्र सज्ज झाला आहे. कटगुण (ता. खटाव) गावचे रहिवासी आणि खातगुण येथील वेदावती विद्यालयाचे माजी विद्यार्थी **संजय काळुखे** हे आपल्या दोन सहकाऱ्यांसह या जागतिक महासंग्रामात भारताचे प्रतिनिधित्व करणार आहेत. विशेष म्हणजे, अत्यंत प्रतिकूल आणि हालाकीच्या परिस्थितीतून जिद्दीच्या जोरावर घेतलेली झेप आहे. खातगुण सोसायटीचे माजी चेअरमन तथा कांदा-बटाट्याचे प्रसिद्ध होलसेल व्यापारी **विजय लावंड** यांचे परम व घनिष्ठ मित्र आहेत संजय काळुखे यांच्या मॅरेथॉन स्पर्धेच्या निवडीची बातमी समजताच  विजय लावंड यांचे सह खातगुण परिसरात अभिनंदनचा वर्षाव करण...

चालू शैक्षणिक वर्षाच्या शिक्षक संच मान्यता न झाल्याने पवित्र पोर्टलवर ची शिक्षक भरती रखडणार! राज्यात शासनाच्या शिक्षण विभागाचा भोंगळ कारभार पालकांना नाहक त्रासदायक ठरणारं विशेष प्रतिनिधी, अकबर भालदार. शासनाने पवित्र पोर्टलवर शिक्षक भरतीसाठी नोंदणी करण्याची मुदत दिनांक १५ जून ठेवण्यात आली आहे, मात्र जिल्हा परिषद शिक्षण विभाग सातारा आणि शिक्षण उपसंचालक कोल्हापूर यांनी उच्च माध्यमिक संलग्न कनिष्ठ महाविद्यालय आणि वरिष्ठ महाविद्यालय संलग्न कनिष्ठ महाविद्यालय यांच्या संच मान्यता अद्याप पेंडिंग ठेवल्या आहेत. संच मान्यता होत नाही तो पर्यंत मावक कार्यालयाकडून रोस्टर बिंदूनामावली तपासणी होणार नाही,त्यामुळे शिक्षक भरती प्रक्रिया रखडणार आहे, शासनाने संच मान्यतेच्या बाबत योग्य आणि प्रचलित पद्धतीने निर्णय घ्यावा अन्यथा शिक्षण क्षेत्रातील सर्व शिक्षक संघटना एकजूट होऊन चालू शैक्षणिक वर्षाच्या सुरुवातीपासून शैक्षणिक कामकाज बंद करतील.होणाऱ्या नुकसानास शासन जबाबदार राहील असा इशारा कनिष्ठ सातारा जिल्हा महाविद्यालयीन शिक्षक संघटने अध्यक्ष डॉ विलास खंडाईत व सचिव प्रा. सचिव गोविंद वाघ यांनी दिला आहे.प्रचलित ...

फलटणच्या सह दुय्यम निबंधकांवर शासनाची मोठी कारवाई; १,५४५ दस्तांच्या संशयास्पद नोंदणीप्रकरणी सह दुय्यम निबंधक दिपक पवार निलंबित. फलटण शहर प्रतिनिधी:जुबेरभाई कोतवाल. फलटण क्रमांक २ येथील सह दुय्यम निबंधक वर्ग-२ दिपक सावळा पवार यांच्यावर महाराष्ट्र शासनाने मोठी प्रशासकीय कारवाई करत त्यांना तात्काळ प्रभावाने निलंबित केले आहे. महसूल व वन विभागाने ११ जून २०२६ रोजी जारी केलेल्या आदेशानुसार, जानेवारी २०२६ ते एप्रिल २०२६ या कालावधीत त्यांच्या कार्यालयामार्फत नोंदणी करण्यात आलेल्या एकूण १,५४५ दस्तऐवजांबाबत गंभीर अनियमिततेचा संशय व्यक्त करण्यात आला आहे. या प्रकरणाची सखोल तपासणी सुरू असून त्यानंतर विभागीय चौकशीही सुरू करण्यात येणार आहे.१,५४५ दस्त संशयाच्या भोवऱ्यात शासनाच्या आदेशात नमूद करण्यात आले आहे की, "एक जिल्हा एक नोंदणी" या व्यवस्थेअंतर्गत नोंदणी झालेल्या १,५४५ दस्तांची पडताळणी करताना अनेक बाबी संशयास्पद असल्याचे प्रथमदर्शनी आढळून आले आहे. या सर्व दस्तांची तपासणी विशेष पथकामार्फत सुरू असून अंतिम अहवाल अद्याप प्राप्त झालेला नाही. ५८ दस्तांमध्ये तुकडेजोड व तुकडेबंदी कायद...

कॉर्निया मुळे अंधत्वांना मिळणार दृष्टी. फलटण प्रतिनिधी, राजेंद्र मदने. फलटण उपजिल्हा रुग्णालय फलटण येथे कॉर्निया मुळे अंधत्वांना  मिळणार दृष्टी अंधत्व रुग्णांना आयुष्यभर सामना करावा लागतो अशा अंधत्व रुग्णांच्या  कॉर्निया (डोळ्यापुढील पारदर्शक पटल) खराब झाल्यामुळे दृष्टी गेली आहे अश्या आंधत्व पणाचा रुग्णांना नेत्रदान फायदा होऊ शकतो.एका अंधत्व दात्याच्या एका डोळ्याच्या कॉर्निया मुळे तीन जणांचे दृष्ठी परत येऊ शकते.या मध्ये चेहरा विद्रुप होत नाही डोळा काढतांना केवळ पारदर्शक बाह्य थर काढला जातो त्यामुळे मृत व्यक्तीचा चेहरा अजिबात विद्रुप होत नाही.त्यामुळे फलटण उपजिल्हा रुग्णालय फलटण येथे फॉर्म भरून दिल्याने आपले देखील गेलेली दृष्टी परत मिळू शकते व आपणास अंधत्व पूर्णपणे कायमचा संपुष्टात येऊ शकतो अशा गरजू रुग्णांनी फॉर्म भरून देऊन याचा लाभ घ्यावा असे आव्हान उपजिल्हा रुग्णालय फलटण यांच्या वतीने करण्यात आले.यावेळी नितीन बापूराव सुळ यांनी देखील आज फलटण उपजिल्हा रुग्णालय फलटण येथे सोळस्कर मॅडम यांच्याकडे फॉर्म भरून दिला आहे असच फॉर्म प्रत्येकाने भरून देणे गरजेचे आहे यावेळी सा...

भारतीय पत्रकार संघाच्या पश्चिम महाराष्ट्र अध्यक्षपदी संदीपकुमार जाधव यांची नियुक्ती. फलटण तालुका प्रतिनिधी: जुबेरभाई कोतवाल.  असोसिएशन ऑफ इंडियन जर्नालिस्ट (AIJ) अर्थात भारतीय पत्रकार संघाच्या पश्चिम महाराष्ट्र अध्यक्षपदी युवा पत्रकार तथा प्रसिद्ध चित्रकार दै. वसंत सागरचे कार्यकारी संपादक संदीपकुमार कैलास जाधव यांची नियुक्ती करण्यात आली आहे.ही नियुक्ती भारतीय पत्रकार संघाचे राष्ट्रीय अध्यक्ष विक्रम सेन यांच्या निर्देशानुसार तसेच राष्ट्रीय कार्याध्यक्ष एम. एस. शेख, लीगल विंगचे प्रदेश अध्यक्ष ॲड.कैलास पठारे आणि प्रदेश संघटक अनिल सोनवणे यांच्या सहमतीने ज्येष्ठ पत्रकार सिकंदर नदाफ प्रदेश कार्याध्यक्ष भारतीय पत्रकार संघ यांच्यावतीने जाहीर  करण्यात आली. दिनांक ७ जून २०२६ रोजी जारी करण्यात आलेल्या नियुक्तीपत्रानुसार संदीपकुमार जाधव यांच्यावर पश्चिम महाराष्ट्रातील पत्रकारांचे संघटन बळकट करणे, पत्रकारांच्या हक्कांसाठी कार्य करणे तसेच संघटनेच्या उद्दिष्टांची प्रभावी अंमलबजावणी करण्याची जबाबदारी सोपविण्यात आली आहे.सदर नियुक्ती ७ जून २०२६ पासून ६ जून २०२८ पर्यंत वैध राहणार असू...

टाकळवाडेत रक्तदान, नेत्रतपासणी व एनसीएमसी नोंदणी शिबिरास उत्स्फूर्त प्रतिसाद; ४२ रक्तदात्यांचे रक्तदान, १६० जणांची नेत्रतपासणी. फलटण तालुका प्रतिनिधी:जुबेरभाई कोतवाल. शिवराज्याभिषेक दिन तसेच पुण्यश्लोक अहिल्यादेवी होळकर जयंतीनिमित्त टाकळवाडे (ता. फलटण) येथे आयोजित करण्यात आलेल्या भव्य रक्तदान शिबिर, मोफत नेत्रतपासणी शिबिर आणि एनसीएमसी कार्ड नोंदणी अभियानास ग्रामस्थांनी उत्स्फूर्त प्रतिसाद दिला. सामाजिक बांधिलकी आणि लोकसेवेची जाणीव जपत ४२ रक्तदात्यांनी रक्तदान केले, तर १६० नागरिकांनी नेत्रतपासणी करून घेतली. तसेच ९३ महिला,ज्येष्ठ नागरिकांची एनसीएमसी कार्ड नोंदणी करण्यात आली. जय तुळजाभवानी मंडळ व समस्त ग्रामस्थ टाकळवाडे यांच्या वतीने श्री पद्मावती देवी मंदिर परिसरात या बहुउपयोगी सामाजिक उपक्रमाचे आयोजन करण्यात आले होते. सकाळपासूनच युवक, महिला, ज्येष्ठ नागरिक आणि ग्रामस्थांनी मोठ्या संख्येने उपस्थित राहून विविध सेवांचा लाभ घेतला.रक्तदान शिबिरात ४२ रक्तदात्यांनी सहभाग नोंदवत गरजू रुग्णांसाठी जीवनदायी योगदान दिले. "रक्तदान हेच जीवनदान" या संदेशाला प्रतिसाद देत अनेक युवक...

भारतीय पत्रकार संघाच्या जिल्हाध्यक्षपदी प्रा. विकास शिंदे यांची नियुक्ती : पत्रकारांच्या प्रश्नांना न्याय मिळवून देण्यासाठी संघटना बळकटीचा निर्धार. फलटण तालुका प्रतिनिधी : जुबेरभाई कोतवाल. पत्रकारांच्या हक्कांसाठी आणि पत्रकारितेच्या मूल्यांच्या जतनासाठी कार्यरत असलेल्या असोसिएशन ऑफ इंडियन जर्नालिस्ट (AIJ) – भारतीय पत्रकार संघ यांच्या सातारा जिल्हाध्यक्षपदी ज्येष्ठ पत्रकार तथा प्रा. विकास सुरेश शिंदे यांची नियुक्ती करण्यात आली आहे. या नियुक्तीमुळे सातारा जिल्ह्यातील पत्रकारांना सक्षम नेतृत्व लाभले असून पत्रकार क्षेत्रातून त्यांचे सर्वत्र अभिनंदन होत आहे.भारतीय पत्रकार संघाचे राष्ट्रीय अध्यक्ष विक्रम सेन, राष्ट्रीय कार्याध्यक्ष तथा महाराष्ट्र प्रदेशाध्यक्ष एम. एस. शेख, लिगल विंगचे प्रदेशाध्यक्ष ॲड. कैलास पठारे तसेच प्रदेश संघटक अनिल सोनवणे यांच्या मार्गदर्शनाखाली ही नियुक्ती करण्यात आली आहे. महाराष्ट्र प्रदेश कार्याध्यक्ष एस. बी. नदाफ यांनी दि. ७ जून २०२६ रोजी नियुक्तीपत्र जारी करून ही घोषणा केली.प्रा. विकास शिंदे हे पत्रकारिता, शिक्षण आणि सामाजिक क्षेत्रात अनेक वर्षांपासून क...

खटाव तालुक्यात रंगणार भव्य ‘आमदार केसरी’ बैलगाडी शर्यत;  १० जून रोजी भुरकवडी फाट्यावर थरार! विशेष प्रतिनिधी,गणेश घाडगे. स्व. पंढरीनाथ फडके यांच्या स्मरणार्थ खटाव तालुक्यातील भुरकवडी फाटी येथील ओपन मैदानावर भव्य बैलगाडी शर्यत आमदार केसरी’ (पर्व ३ रे)चे जंगी आयोजन करण्यात आले आहे. ही थरारक शर्यत बुधवार, दिनांक १० जून २०२६रोजी पार पडणार असून, यामध्ये महाराष्ट्रभरातील नामांकित बैलगाड्या आणि शौकीन आपले नशीब आजमावणार आहेत. या भव्य स्पर्धेचे आयोजन विकास (आबा) जाधव मित्र समूह, पुसेगाव आणि १०१० सरकार विगर पनवेल यांच्या वतीने करण्यात आले आहे.आमदार केसरी मैदानाला प्रमुख उपस्थिती ​श्रीमंत १०८ प.पू.सुंदरगिरीजी महाराज (मठाधिपती, श्री सेवागिरी महाराज देवस्थान ट्रस्ट, पुसेगाव)​मा. आमदार महेशदादा शिंदे (उपाध्यक्ष, कृष्णा खोरे विकास महामंडळ, महाराष्ट्र राज्य)​मा.सौ. प्रियाताई महेशजी शिंदे (अध्यक्ष, जि.प. सातारा)श्री.गुरुनाथ शेठ फडके 1010 सरकार,पुसेगाव पोलीस अधिकारी एन.जे.खुणे साहेब,माजी जिल्हा परिषद सदस्य मानाजी काका घाडगे उपस्थित राहणार आहेत.लाखांची बक्षिसे आणि आकर्षक ढालींची लुट या शर्...

सोशल मीडियावर महिलेची बदनामी करणाऱ्या दोघांना शहर पोलिसांनी ठोकल्या बेड्या. फलटण प्रतिनिधी, जुबेर कोतवाल. सोशल मीडियावर महिलांच्या नावाने बनावट इंस्टाग्राम खाते तयार करून त्यांचे मॉर्फ केलेले अश्लील फोटो आणि व्हिडिओ प्रसारित करणाऱ्या दोन संशयित आरोपींना फलटण शहर पोलिसांनी अटक केली आहे. संशयितांकडून गुन्ह्यात वापरलेले मोबाईल आणि सीमकार्ड जप्त करण्यात आले आहेत. एक महिला गेल्या सहा महिन्यांपासून या प्रकारामुळे त्रासाला सामोरी जात होती. संशयिताने दुसऱ्या व्यक्तीच्या नावाने सीमकार्ड मिळवून इंस्टाग्रामवर वेगवेगळी बनावट खाती उघडली त्यानंतर या खात्यांवरून पीडित महिला आणि तिच्या पतीची बदनामी करणारे मॉर्फ केलेले अश्लील फोटो आणि मेसेज फेसबुक तसेच व्हॉट्सॲपवर पाठवले जात होते. या प्रकरणी तक्रार दाखल झाल्यानंतर पोलिसांनी तांत्रिक तपास सुरू करून याप्रकरणी सीमकार्ड विक्रेत्यालाही अटक केली.पोलीस निरीक्षक अरविंद काळे आणि त्यांच्या पथकाने तपास करून गुन्ह्यात वापरलेला मोबाईल क्रमांक आणि बनावट इंस्टाग्राम आयडी शोधून काढले. या तपासात प्रमोद कांबळे (वय ३२, रा. लक्ष्मीनगर, फलटण) याचे नाव समोर आले....

संत गुंडोजीबाबा विद्यालयामध्ये जागतिक पर्यावरण दिनानिमित्त वृक्षारोपण.  पुसेगाव प्रतिनिधी, पंकज कदम   जागतिक पर्यावरण दिन आज श्री संत गुंडोजीबाबा विद्यालय विसापूर व सामाजिक वनीकरण सातारा वनपरिक्षेत्र वडूज यांच्या संयुक्त विद्यमाने विद्यालयामध्ये 5 जून जागतिक पर्यावरण दिन साजरा करण्यात आला. या कार्यक्रमासाठी आवर्जून आलेले वनक्षेत्रपाल सामाजिक वनीकरण वडूज आर. एस. सातपुते साहेब यांनी विद्यार्थ्यांना वनसंवर्धनाचे महत्त्व समजून सांगितले. या वेळी इयत्ता आठवीतील विद्यार्थी चि.समर्थ सावंत यांचे पालक , माजी विद्यार्थी ,शाळा व्यवस्थापन समिती सदस्य श्री संत गुंडोजीबाबा विद्यालय विसापूर व उपाध्यक्ष शाळा व्यवस्थापन समिती जि.प.प्राथ.शाळा विसापूर गणेश सावंत यांनी वाढदिवसानिमित्त पाच वृक्षांची रोपे दिली. कुमारी अनुष्का अर्जुन कदम तिच्या वाढदिवसानिमित्त वृक्ष रोप देण्यात आले. व अनुष्का कदम व समर्थ सावंत या विद्यार्थ्यांच्या हस्ते वृक्षारोपण करण्यात आले .श्री सातपुते साहेब, आवारे साहेब, कुंभार साहेब , वनरक्षक कोळी साहेब , विसापूरचे पोलीस पाटील प्रल्हाद (भाऊ)सावंत, श्री आप्पा, म...

राज्यातील नव्या शिक्षक संच मान्यतेमुळे कनिष्ठ महाविद्यालयीन सुमारे  ५ हजार शिक्षक शासन घरी घालवणार? शारीरिक शिक्षण आणि पर्यावरण या अनिवार्य विषयाच्या शिक्षकांचा कार्यभार शून्य? पुसेगाव प्रतिनिधी, अकबर भालदार.  अनुदानित कनिष्ठ महाविद्यालयांच्या संचमान्यतेचा नवीन  मसुदा १७ मे रोजी जाहीर करण्यात आला. त्यातील नियमानुसार कनिष्ठ महाविद्यालयात प्रात्यक्षिक वर्गातील विद्यार्थी संख्या २० वरून ३० करण्यात आली आहे. त्याचवेळी ४५ मिनिटांचा तास ४० मिनिटे करण्याचा निर्णय घेतला. त्यामुळे कनिष्ठ महाविद्यालयातील तब्बल ५ हजार शिक्षक अतिरिक्त ठरणार असल्याचा दावा शिक्षक संघटनांनी केला आहे. तर शारीरिक शिक्षण आणि पर्यावरण या अनिवार्य विषयाच्या शिक्षकांचा कार्यभार शून्य करण्यात आल्याने शैक्षणिक क्षेत्रात गोंधळ उडाला आहे. याबाबत कनिष्ठ महाविद्यालय शिक्षक संघटना आक्रमक झाली असून सदर संच मान्यता कोणत्याही महाविद्यालयाला मान्य नसल्याची माहिती संघटनेचे जिल्हाध्यक्ष डॉ विलास खंडाईत व सचिव गोविंद वाघ यांनी दिली. याबाबत तीव्र आंदोलन करण्याचा इशारा ही त्यांनी दिला आहे. सातारा जिल्ह्यातील सर्व ...