सातारा 24 तास

सेवानिवृत्त पोलीस उपनिरीक्षक धनंजय शिंदे यांचा सपत्नीक पुसेगाव पोलीस ठाणे मध्ये सत्कार. पुसेगाव प्रतिनिधी, पंकज कदम. सातारा पोलीस दलातील पुसेगाव पोलीस ठाणे येथे सध्या कार्यरत असलेले पोलीस उपनिरीक्षक श्री धनंजय शिंदे हे नियत वयोमानानुसार सेवानिवृत्त होत आहेत त्याबद्दल पुसेगाव पोलीस ठाणे यांचे वतीने त्यांचा सपत्नीक सत्कार करण्यात आला.सन 1991 साली सातारा जिल्हा पोलीस दलात पोलीस शिपाई पदावर भरती झाल्यानंतर सातारा, कराड, पाटण, माण, खटाव, कोरेगाव तालुक्यातील पोलीस ठाणे व शाखामध्ये सेवा करत असताना पोलीस उपनिरीक्षक या पदापर्यंत प्रमोशन झाले होते. दिनांक 30 जून 2024 रोजी सातारा जिल्हा पोलीस दलातील 33 वर्षे प्रदीर्घ व निष्कलंक सेवा पूर्ण करून ते सेवानिवृत्त होत आहेत त्याबद्दल पुसेगाव पोलीस ठाणे येथे त्यांचा सपत्नीक सत्कार आयोजित करण्यात आला होता. त्यावेळी स पो नि श्री आशिष कांबळे व पोलीस स्टाफ यांनी त्यांचे पुढील आयुष्यासाठी शुभेच्छा दिल्या आहेत.

पाटण तालुक्यातील विविध विकासकामांचा आढावा व गती देण्याबाबत मा. शंभूराज देसाई यांनी प्रशासनाला दिल्या सूचना . पुसेगाव प्रतिनिधी, पंकज कदम.  सातारा जिल्हाधिकारी कार्यालय येथे संपन्न झालेल्या बैठकीत पालकमंत्री मा. ना. शंभूराज देसाई साहेबांनी पाटण तालुक्यात सुरू असलेल्या विविध विकासकामांचा आढावा घेऊन कामांना गती देण्याच्या सूचना केल्या. पाटण तालुक्यातील रस्त्यांचे डांबरीकरण पावसाळ्यानंतर करावे, अशी सूचना करून मा. ना. शंभूराज देसाई साहेब यावेळी बोलताना बांधकामाची कामे लवकरात लवकर पूर्ण करावीत. मातोश्री पाणंद रस्त्यांची चारशेहून अधिक कामे मंजूर आहेत. ही कामे लवकरात लवकर पूर्ण होण्यासाठी प्रत्येक ग्रामसेवकाला तीन ते चार कामे वाटून द्यावीत. कामे वेळेत होण्यासाठी रोहयो व ग्रामपंचायत विभागाने वेळोवेळी आढावा घ्यावा.तसेच यावेळी मा. ना. शंभूराज देसाई साहेबांनी प्रधानमंत्री ग्रामसडक योजना, मुख्यमंत्री ग्रामसडक योजना, जिल्हा परिषदेकडील रस्त्यांचा कामांचा व कोयना भूकंप पुनर्वसन निधी,डोंगरी विकास निधीमधील कामांचाही आढावा घेतला. या बैठकीनंतर मा. ना. शंभूराज देसाई साहेबांनी जिल्हा परिषद आ...

गोडोली (सातारा) येथील राज्य उत्पादन शुल्क विभागाच्या नवीन प्रशासकीय इमारतीचे भूमिपूजन  शंभूराज देसाई साहेबांच्या शुभहस्ते करण्यात आले. पुसेगाव प्रतिनिधी, पंकज कदम. सातारा येथील गोडोली येथे उभारण्यात येणाऱ्या राज्य उत्पादन शुल्क विभागाच्या नवीन प्रशासकीय कार्यालय इमारतीचे आज मा. ना. शंभूराज देसाई साहेबांच्या शुभहस्ते भूमीपूजन संपन्न झाले. या नवीन प्रशासकीय इमारतीमध्ये तळ घर, तळ मजला, पहिला मजला असे एकूण २ हजार २०७.६९  चौ.मी. क्षेत्रफळ असणार आहे. त्याचबरोबर येथे विश्रामगृह इमारतीचेही बांधकाम होणार असून तिचे क्षेत्रफळ ५०४.११ चौ.मी. असणार आहे. यावेळी मा. ना. शंभूराज देसाई साहेबांनी उपस्थितांशी संवाद साधला. राज्य उत्पादन शुल्क विभाग हा राज्याला मोठ्या प्रमाणात महसूल मिळवून देत आहे. या विभागाला तसेच अधिकारी, कर्मचाऱ्यांना सोयीसुविधा देण्यावर शासनाचा भर आहे. राज्यात १७ ठिकाणी उत्पादन शुल्क विभागाच्या स्वतंत्र इमारतींचे काम सुरू आहे, अशी माहिती मा. ना. शंभूराज देसाई साहेबांनी यावेळी दिली. तसेच गोडोली येथील नवीन इमारतींचे काम तातडीने सुरू करावे आणि दर्जेदार काम करून साताऱ्य...

पालकमंत्री  शंभूराज देसाई यांनी हिरवा झेंडा दाखवून प्रशिक्षणासाठी शेतकरी केले मार्गस्थ. पुसेगाव प्रतिनिधी,पंकज कदम. सातारा जिल्ह्यामधील विविध गावातील शेतकऱ्यांना बांबू लागवडीचे तांत्रिक मार्गदर्शन देण्याकरिता दापोली येथील डॉ. बाळासाहेब सावंत कृषी विद्यापीठात बांबू लागवडीबाबतच्या प्रशिक्षण सत्राचे आयोजन करण्यात आले आहे. बांबू लागवडीच्या प्रशिक्षणासाठी सातारा जिल्हा परिषदेच्या कृषी विभागाच्या वतीने याआधी पहिल्या टप्प्यात ५५ शेतकऱ्यांना प्रशिक्षण देण्यात आले आहे. आता दुसऱ्या टप्प्यात मोठ्या प्रमाणात शेतकरी प्रशिक्षणासाठी दापोली येथे जात आहेत. आज पालकमंत्री मा. ना. शंभूराज देसाई साहेबांनी सातारा येथे हिरवा झेंडा दाखवून या प्रशिक्षणासाठी जाणाऱ्या शेतकरी, अधिकारी व कर्मचाऱ्यांचे वाहन मार्गस्थ केले. तसेच याप्रसंगी मा. ना. शंभूराज देसाई साहेबांनी त्यांच्याशी संवाद साधून सर्वांना मन:पूर्वक शुभेच्छा दिल्या. यावेळी जिल्हा परिषदेचे कृषी अधिकारी विजय माईनकर यांच्यासह शेतकरी व विभागाचे कर्मचारी उपस्थित होते.

संत गुंडोजीबाबा विद्यालयात नवागतांचे उत्साहात स्वागत. पुसेगाव प्रतिनिधी, पंकज कदम. विसापूर .तालुका .खटाव. येथील संत गुंडोजीबाबा विद्यालय विसापूर मध्ये शैक्षणिक वर्ष 2024 25 या वर्षाच्या पहिल्या दिवशी म्हणजे 15 जून रोजी श्री संत गुंडोजीबाबा विद्यालय विसापूर मध्ये नवागतांचे स्वागत करण्यात आले. इयत्ता पाचवी ते दहावी पर्यंत नवीन प्रवेश घेतलेल्या सर्व विद्यार्थी व विद्यार्थिनींचे ढोल ताशांच्या गजरात गुलाब पुष्प व पेन देऊन स्वागत करण्यात आले. या कार्यक्रमासाठी विद्यालयाचे माझी विद्यार्थी श्री संजय तुकाराम कदम साहेब, शाळाव्यवस्थापन समितीचे सदस्य श्री मुरलीधर अकोबा साळुंखे (बापू) , माजी मुख्याध्यापक श्री कळसकर सर,पोलीस पाटील श्री भाऊसो सावंत, श्री राजाराम तुकाराम कदम, श्री फडतरे(EX-NEVY), मुख्याध्यापक श्री गायकवाड सर ,सर्व शिक्षक ,शिक्षिका , शिक्षकेतर कर्मचारी व विद्यार्थी , ग्रामस्थ उपस्थित होते.

गौरव जाधव  मित्र समूह व रयतने 1111 विद्यार्थ्यांच्या चेहऱ्यावर फुलवला आनंद. पुसेगाव प्रतिनिधी,पंकज कदम. पुसेगाव येथील युवा नेते गौरव जाधव मित्र समूह व श्री सेवागिरी रयत संघटनेच्या वतीने पुसेगाव आणि पुसेगाव पंचक्रोशीतील ११११ गरजू व होतकरू विद्यार्थ्यांना शैक्षणिक साहित्याचे वाटप करण्यात आले. यावेळी विद्यार्थ्यांच्या चेहऱ्यावर आनंद दिसत होता चेहरे आनंदाने फुलले होते तर साहित्यामध्ये दप्तर, वह्या, कंपासपेटी, पेन, पेन्सिल आदी शैक्षणिक साहित्याचा समावेश होता.विद्यार्थ्यांना शासनाकडून पाठ्यपुस्तके‎ मोफत मिळतात, परंतु त्या व्यतिरिक्त‎ लागणारे इतर शैक्षणिक साहित्य उदा.‎ वही ,पेन, पेन्सिल, कंपास, दप्तर आदी साहित्य काही विद्यार्थ्यांना त्यांचे‎ पालक देऊ शकत नाहीत. गतवर्षी काही पालकांनी ही अडचण कायम सामाजिक कार्यात अग्रेसर असणाऱ्या गौरव जाधव यांच्या लक्षात आणून देताच पुसेगाव आणि पुसेगाव पंचक्रोशीतील एकही विद्यार्थी शिक्षणापासून वंचित राहू नये म्हणून त्यांनी १ हजार १११ विद्यार्थ्यांना आवश्यक असणारे शैक्षणिक साहित्य घरपोच भेट दिले होते. यंदा देखील ही परंपरा कायम ठेवत ‘शाळासोबती’ या ...

जाफर इब्राहिम शिकलगार यांचे अकस्मित निधन. पुसेगाव प्रतिनिधी, पंकज कदम. वर्धनगड तालुका खटाव येथील जाफर इब्राहिम शिकलगार वय ( 92 )यांचे बकरी ईद नमाज नंतर अचानक निधन झाले ते वर्धनगड येथील पत्रकार निसार भाई शिकलगार यांचे दाजी होते.त्यांच्या पश्चात दोन मुले ,तीन सुना ,नातवंडे असं परिवार आहे.वर्धनगड गावातील सर्व जाती धर्मातील लोकांच्यासोबत सतत हसतमुखी व भाईचाराने राहत  होते बकरी ईद नमाज नंतर अचानक त्यांचे निधन झाले या निधनामुळे वर्धनगड व पंचक्रोशीत त्यांच्या निधन वार्ताने हळहळ व्यक्त होत आहे. तर आज दिनांक 17 .6 .2024 सोमवारी संध्याकाळी सहा वाजता त्यांचा वर अंत्यसंस्कार करण्यात येणार आहे.

पुसेगावचे युवा नेते गौरव जाधव मित्र समूह ११११ विद्यार्थ्यांना करणार शैक्षणिक साहित्य वाटप; ५१ मुलांना शिक्षणासाठी घेणार दत्तक. पुसेगाव प्रतिनिधी, पंकज कदम.  पुसेगाव येथील युवा नेते  गौरव जाधव मित्र समूह व श्री सेवागिरी रयत संघटना पुसेगाव आणि पुसेगाव पंचक्रोशीतील ११११ गरजू व होतकरू विद्यार्थ्यांना शैक्षणिक साहित्याचे वाटप करणार असून ५१ मुलांना प्राथमिक व माध्यमिक शिक्षणासाठी दत्तक घेणार आहे. तरी आपल्या पाल्याला कोणत्याही शैक्षणिक मदतीची गरज असल्यास पालकांनी ९६८९६८५०१३, ९७६६५६८२६८ या क्रमांकावर संपर्क साधावा असे आवाहन गौरव जाधव मित्र समूहाने केले आहे. विद्यार्थ्यांना शासनाकडून पाठ्यपुस्तके‎ मोफत मिळतात, परंतु त्या व्यतिरिक्त‎ लागणारे इतर शैक्षणिक साहित्य उदा.‎ दप्तर, वही ,पेन, पेन्सिल, कंपास, आदी साहित्य काही विद्यार्थ्यांना त्यांचे‎ पालक देऊ शकत नाहीत. महागाई वाढल्याने सर्वसामान्य कुटुंबातील अनेक पालकांना शैक्षणिक साहित्य खरेदी करताना अडचणी येतात. गतवर्षी पुसेगाव आणि पुसेगाव पंचक्रोशीतील एकही विद्यार्थी शिक्षणापासून वंचित राहू नये म्हणून श्री सेवागिरी महाराज देवस्था...

पुसेगाव बाजारपेठ बटाटा बियाण्याने फुलू लागली. पुसेगाव प्रतिनिधी, पंकज कदम. सातारा जिल्ह्यातील खटाव तालुक्यातील पुसेगावची ओळख बटाटा उत्पादन क्षेत्रामध्ये सर्वात मोठी बाजारपेठ असू जून महिन्याच्या सुरुवातीपासूनच पावसाने दुष्काळाचा कलंक पुसल्याने  पुसेगाव मधील बाजारपेठ बटाटे बियाणे खरेदीसाठी  शेतकऱ्यांनी गजबजून गेली.पुसेगाव पंचक्रोशीतील भाग बटाटा उत्पादनासाठी पहिल्यापासूनच अग्रेसर आहे परंतु मागील काही वर्षांमध्ये बटाट्याला पर्यायी पिकांचा समावेश झाल्याने काही प्रमाणात बटाट्याची उत्पादन घटले परंतु आता योग्य वेळेला पाऊस झाल्याने पुसेगाव बाजारपेठेत बटाटे बियाणे दाखल झाली असून शेतकरी वर्ग देखील बटाटे खरेदी करण्यासाठी उत्साहाने पुढे येऊ लागला आहे.खाण्यासाठी बटाटे आणि वेफर्स साठी बटाटे त्यात फरक असून वेफर्स बनणाऱ्या बटाट्या च्या उत्पन्नाकडे शेतकऱ्यांचा कल दोन्ही बियानाकडे  दिसत असून होती २५००ते २६०० रुपये प्रतिक्विंटल दर  असल्याची माहिती बालाजी ट्रेडिंग कंपनी पुसेगाव चे धनराज सावंत यांनी दिली.

साताऱ्याचे पोलीस उपनिरीक्षक संभाजी बनसोडे यांना राज्यपालांच्या हस्ते राष्ट्रपती पदक प्रदान. पुसेगाव प्रतिनिधी, पंकज कदम. सातारा जिल्हा पोलीस दलातील पोलीस उपनिरीक्षक संभाजी सुदाम बनसोडे यांना महाराष्ट्राचे राज्यपाल श्री रमेश बैसाजी यांच्या हस्ते राष्ट्रपती पदक प्रदान करण्यात आले.पोलीस अधीक्षक कार्यालय सातारा येथील जिल्हा विशेष शाखेत कार्यरत असणारे श्री. संभाजी सुदाम बनसोडे हे  1990  साली ,पोलीस शिपाई या पदावरून भरती होऊन ते सध्या पोलीस उपनिरीक्षक या पदावर जिल्हा विशेष शाखा येथे कार्यरत आहेत त्यांनी पोलीस मुख्यालय सातारा जिल्हा विशेष शाखा ,पाचगणी पोलीस ठाणे, लाचलुचपत प्रतिबंधक विभाग सातारा, आदी ठिकाणी उत्कृष्ट सेवा बजावली आहे पोलीस दलात काम करताना त्यांनी जिल्हा विशेष शाखा व लाचलुचपत प्रतिबंधक विभागातील त्यांचे काम उल्लेखनीय राहिले आहे आज पर्यंतच्या सेवा कालावधीत वेळोवेळी घेतलेले उल्लेखनीय कामगिरी करताना त्यांनी 380  बक्षिसे मिळवली आहेत या त्यांच्या उल्लेखनीय कामकाजाबाबत त्यांना सण 2016 मध्ये पोलीस महासंचालक महाराष्ट्र राज्य मुंबई यांचे पोलीस पदक प्राप्त झालेले ...

अजिंक्य सोशल फाउंडेशन, या सामाजिक संस्थेला विद्यानिकेतन राज्यस्तरीय पुरस्कार मिळाला. पुसेगाव प्रतिनिधी,पंकज कदम.   विद्यानिकेतन सामाजिक व शैक्षणिक संस्था कोचळेवाडी वाई (सातारा)५ व्या वर्धापन दिनानिमित्त अनेक सामाजिक संस्था आणि विविध क्षेत्रात उल्लेखनीय कामगिरी करणाऱ्या व्यक्तींचा विद्यानिकेतन राज्यस्तरीय पुरस्कार देऊन गौरव करण्यात आला. यामध्ये अजिंक्य सोशल फाउंडेशन चे संस्थापक अध्यक्ष सचिन विलास पवार, उत्तम पवार, संगीता भालेराव यांना  पुरस्कार देऊन गौरविण्यात आले.तसेच संस्थेला पण पुरस्कार देण्यात आला.या प्रसंगी विद्यानिकेतन सामाजिक व शैक्षणिक संस्थचे संस्थापक अध्यक्ष शशीकांत कोचळे सर व सर्व पदाधिकारी व कर्मचारी, अनेक मान्यवर उपस्थित होते.

   विसापूर येथील यशस्वी विद्यार्थ्यांचा रिंगी चिंगी ग्रुप         कडून सन्मान.    पुसेगाव प्रतिनिधी, पंकज कदम.  विसापूर ता खटाव जि सातारा येथे संत गुंडोजी बाबा विद्यालय विसापूर व इतर शाळेचे विद्यार्थी  मार्च २०२४ इयत्ता १०वीच्या परिक्षेत चांगले गुण प्राप्त करणारे गुणवंत विद्यार्थीनी व विद्यार्थी यांचा रिंगी चिंगी ग्रुप विसापूर यांचे वतीने त्यांचा सन्मान करण्यात आला विसापूर येथील श्री वाघेश्र्वरी व  नवलाई मंदिरामध्ये रिंगी चिंगी ग्रुपचे अध्यक्ष किशोर साळुंखे राजेश साळुंखे, ,गणेश साळुंखे, तानाजी शिंदे , महेश साळुंखे  ,सतीश कदम आकाश साळुंखे ,राहुल साळुंखे ,भरत कोळी, रिंगी चिंगी ग्रुपचे संस्थापक माजी उपसरपंच मुरलीधर साळुंखे ,विसापूर गावचे युवा नेते हरिश्चंद्र सावंत ,ज्ञानेश्वर साळुंखे ,सैनिक कॅप्टन प्रवीण सावंत, यांच्या प्रमुख उपस्थितीत यशस्वी विद्यार्थिनी व विद्यार्थी सन्मान करण्यात आला याम १)कुमारी. दिक्षा प्रवीण. सावंत 97.30%, २)कु. क्षमता विनोद जाधव  93.20%३) कु. मेघना निलेश साळुंखे  93.00...

फलटण आगारामध्ये चालक,वाहक आणि कर्मचारी यांचा सेवानिवृत्त सत्कार समारंभ मोठ्या उत्साहात संपन्न.  फलटण प्रतिनिधी, जुबेर कोतवाल. फलटण आगारामध्ये एस टी च्या ७६ व्या वर्धापनदिनानिमित्त सेवानिवृत्त चालक ,वाहक आणि कर्मचारी यांचा सत्कार समारंभ आयोजित करण्यात आला होता.आपले संपूर्ण आयुष्य एस टी साठी आणि प्रवाश्यांच्या सेवेसाठी कशाचीही पर्वा न बाळगता फलटण आगारातील अधिकारी रामदास कदम (वाहतूक नियंत्रक),अमृत शिंदे चालक क्र २८९२ , दत्तात्रय निंबाळकर चालक क्र १३०० ,विठ्ठल भिसे चालक क्र १८४२४ ,पंढरीनाथ शेळके चालक क्र ५१३५ ,दत्तात्रय सोनवलकर (सूरक्षा रक्षक) व पूर्वी सेवानिवृत्त झालेले चालक हेमचंद्र भोईटे चालक क्र४३८४ , ज्ञानदेव कोळपे यांनी एस टी च्या आणि प्रवाशांच्या सेवेसाठी घालविले. सेवानिवृत्त सत्कार समारंभा ला प्रामुख्याने पत्रकार अरविंद मेहता, शिवलाल गावडे प्रवासी संघटना अध्यक्ष आगार व्यवस्थापक रोहीत नाईक वाघमोडे  ,सुर्यवंशी , धिरज अहिवळे आणि फलटण अगारातील कर्मचारी उपस्थित होते.सुत्रसंचलन माऊली कदम यांनी केले

शेतकऱ्यांच्या आग्रहास्तव येस ग्रुपच्या करार शेतीच्या करारासाठी मुदतवाढ- येस ग्रुप संस्थापक संजय भगत.  पुसेगाव प्रतिनिधी,पंकज कदम. शेतकऱ्यांना जादाचा दर देऊन ज्यादा चा आर्थिक लाभ मिळवून देण्यासाठी येस ग्रुप ऑफ कंपनीज यांच्या वतीने खरीप हंगाम 2024 साठी करार करणे सुरू होती मात्र शेतकऱ्यांच्या आग्रहास्तव करारासाठी मुदतवाढ देण्यात आली आहे याचा लाभ शेतकऱ्यांनी घ्यावा असे आवाहन येस ग्रुपचे संस्थापक संजय भगत यांनी केले  पुसेगाव येथील येस  फ्रेश फार्मर प्रोड्युसर कंपनीच्या ठिकाणी  झालेल्या बैठकीत संजय भगत बोलत होते  दरवर्षीप्रमाणे खरीप हंगामातील सोयाबीन व घेवडा पिकाचे करार सुरू असून सोयाबीनला 5300 रुपये कमीत कमी दर व घेवड्याला 7000 ते 8000 हजार रुपये कमीत कमी दर देण्यात येणार असून बाजारपेठेतील बाजार भाव वाढले तर त्या वाढीव दराचा फरकही शेतकऱ्यांना देण्यात येणार आहे या करार शेतीमुळे  शेतकऱ्यांचा आर्थिक स्तर उंचावत आहे असे ही संजय भगत म्हणाले.दरवर्षी शेतकऱ्यांना कराराप्रमाणे मालाची रक्कम वेळेत बँक खात्यावर जमा करून शेतकऱ्यांचा येस ग्रुपने विश्वास संपादन केल...