प्रसिद्ध होमिओपॅथिक तज्ञ डॉक्टर योगेश साळुंखे यांचे कौतुकास्पद कार्य.

प्रसिद्ध होमिओपॅथिक तज्ञ डॉक्टर योगेश साळुंखे यांचे कौतुकास्पद कार्य.

फलटण शहर प्रतिनिधी:-जुबेरभाई कोतवाल.

फलटणच्या घोडा यात्रेनिमित्त मोफत वैद्यकीय तपासणी शिबिरास भाविकांचा उत्स्फूर्त प्रतिसाद धार्मिक श्रद्धा आणि परंपरेचा संगम असलेल्या घोडा यात्रेनिमित्त आयोजित करण्यात आलेल्या वैद्यकीय तपासणी शिबिरास नागरिकांचा उत्स्फूर्त असा प्रतिसाद मिळाला घोडा यात्रेदरम्यान कोणतीही आरोग्यविषयक अडचण निर्माण होऊ नये तसेच भाविकांची सुरक्षितता सुनिश्चित व्हावी, या उद्देशाने हे शिबिर अत्यंत नियोजनबद्ध पद्धतीने घेण्यात आले.या उपक्रमाचे नेतृत्व प्रसिद्ध होमिओपॅथिक तज्ञ डॉ. योगेश साळुंखे यांनी केले. त्यांच्या मार्गदर्शनाखाली कार्यरत वैद्यकीय पथकाने शिस्तबद्ध आणि तत्परतेने सेवा देत समाजाप्रती आपली निष्ठा आणि बांधिलकी अधोरेखित केली.वैद्यकीय तपासणी शिबिरादरम्यान सर्व सहभागींची प्रथम नोंदणी करण्यात आली. त्यानंतर रक्तदाब, शरीराचे तापमान आणि हृदयाचे ठोके यांची तपासणी करण्यात आली. सर्दी, खोकला, ताप यांसारख्या सामान्य लक्षणांची सखोल तपासणी करून आवश्यक त्या रुग्णांवर त्वरित औषधोपचार करण्यात आले.विशेष म्हणजे, या शिबिरामध्ये एकूण 110 रुग्णांची तपासणी करण्यात आली आणि सर्वांना १ महिन्याची मोफत होमिओपॅथिक औषधे देण्यात आली. त्यामुळे नागरिकांमध्ये समाधानाचे वातावरण निर्माण झाले.डॉ.योगेश साळुंखे यांच्या वतीने आरोग्य जनजागृतीवर भर देण्यात आला.

तपासणीबरोबरच नागरिकांना स्वच्छता, सुरक्षित पिण्याचे पाणी, योग्य आहार आणि वैयक्तिक आरोग्य याबाबत महत्त्वपूर्ण मार्गदर्शन करण्यात आले. संभाव्य संसर्गजन्य आजारांचा प्रसार रोखण्यासाठी आवश्यक उपाययोजना सांगण्यात आल्या.डॉ. साळुंखे यांचे मोलाचे मार्गदर्शन यात्रेदरम्यान आरोग्याची काळजी घेणे अत्यंत महत्त्वाचे असल्याचे सांगताना डॉ. साळुंखे यांनी पुढील सूचना केल्या —

१ स्वच्छतेचे काटेकोर पालन करावे

२गरज भासल्यास मास्कचा वापर करावा

३थकवा जाणवल्यास त्वरित विश्रांती घ्यावी

४पुरेशा प्रमाणात पाणी व पोषणयुक्त आहार घ्यावा

५कोणतीही लक्षणे जाणवल्यास विलंब न करता वैद्यकीय सल्ला घ्यावा.

तपासणीअंती बहुतेक सहभागी निरोगी असल्याचे आढळले. काहींमध्ये किरकोळ तक्रारी निदर्शनास आल्या असून त्यांना तात्काळ उपचार देण्यात आले. विशेष म्हणजे, कोणताही गंभीर आजार आढळून आला नाही, ही बाब समाधानकारक ठरली.समाजसेवेचा आदर्श उपक्रम घोडा यात्रेपूर्वी आयोजित करण्यात आलेले हे वैद्यकीय शिबिर केवळ आरोग्य तपासणीपुरते मर्यादित न राहता, एक प्रभावी आरोग्य जनजागृती अभियान ठरले. 110 रुग्णांना मोफत तपासणी आणि १ महिन्याची औषधे देऊन समाजसेवेचा उत्कृष्ट आदर्श निर्माण करण्यात आला.या उपक्रमाला डॉक्टरांच्या सुविद्य पत्नी स्नेहल केळकर साळुंखे याचे मोलाचे सहकार्य लाभले.डॉ. योगेश साळुंखे आणि त्यांच्या संपूर्ण पथकाच्या या उपक्रमाचे सर्व स्तरांतून कौतुक होत असून, अशा उपक्रमांमुळे समाजातील आरोग्य जागरूकता अधिक दृढ होण्यास निश्चितच मदत होणार आहे.डॉ. योगेश साळुंखे यांच्या या वैद्यकीय क्षेत्रातील कार्यमुळे त्यांच्यावरती सर्व स्थरातून कौतुकाचा वर्षाव होत आहे.