महावीर जयंतीनिमित्त फलटणमध्ये उत्साहपूर्ण कार्यक्रम; आमदार सचिन पाटील व लोकनियुक्त नगराध्यक्ष समशेरसिंह नाईक निंबाळकर यांचे अभिवादन.
फलटण शहर प्रतिनिधी:-जुबेरभाई कोतवाल.
भगवान महावीर जयंतीनिमित्त फलटण शहरात विविध धार्मिक व सामाजिक कार्यक्रमांचे आयोजन करण्यात येऊन जयंती मोठ्या उत्साहात साजरी करण्यात आली. याच औचित्य साधून फलटण-कोरेगाव मतदारसंघाचे आमदार सचिन पाटील तसेच फलटण नगरपरिषदेचे लोकनियुक्त नगराध्यक्ष समशेरसिंह नाईक निंबाळकर यांनी येथील महावीर स्तंभास भेट देत भगवान महावीरांना विनम्र अभिवादन केले.यावेळी जैन समाज बांधव, मान्यवर आणि नागरिक मोठ्या संख्येने उपस्थित होते. आमदार सचिन पाटील व नगराध्यक्ष नाईक निंबाळकर यांनी महावीर स्तंभावर पुष्पहार अर्पण करून दर्शन घेतले व उपस्थितांना महावीर जयंतीच्या मनःपूर्वक शुभेच्छा दिल्या.भगवान महावीर हे जैन धर्माचे २४ वे तीर्थंकर असून त्यांचा जन्म इ.स.पू. ५९९ मध्ये वैशाली येथे झाला. त्यांनी राजवैभवाचा त्याग करून कठोर तपश्चर्या केली आणि सत्य, अहिंसा, अपरिग्रह, ब्रह्मचर्य व अस्तेय या पंचमहाव्रतांचा संदेश दिला. “जगा आणि जगू द्या” हा त्यांचा महान संदेश आजच्या काळातही तितकाच महत्त्वाचा मानला जातो.भगवान महावीरांनी दिलेला अहिंसा, सत्य आणि करुणेचा संदेश समाजासाठी ऱ्य6 ठरत असून, अशा जयंती उत्सवांमुळे त्यांच्या विचारांचा प्रसार होण्यास मोठी मदत होत असल्याचे यावेळी उपस्थितांनी नमूद केले.
Comments
Post a Comment