सावित्रीबाई फुले जयंतीनिमित्त खामगाव जिल्हा परिषद शाळेत प्रेरणादायी कार्यक्रम.

सावित्रीबाई फुले जयंतीनिमित्त खामगाव जिल्हा परिषद शाळेत प्रेरणादायी कार्यक्रम.

फलटण प्रतिनिधी, राजेंद्र मदने.

खामगाव, ता. फलटण येथे महात्मा फुले कृषी विद्यापीठ राहुरी यांचे संलग्न व फलटण एज्युकेशन सोसायटी संचालित कृषी महाविद्यालय फलटण येथील चतुर्थ वर्षातील कृषीदूतांकडून ग्रामीण जागरूकता कृषी कार्यानुभव व औद्योगिक जोड प्रकल्प २०२४-२५ अंतर्गत खामगाव येथील जिल्हा परिषद शाळेत सावित्रीबाई फुले जयंतीचे आयोजन करण्यात आले होते.

या कार्यक्रमासाठी मुख्यध्यापिका - सौ.जयश्री दिवटे मॅडम उपशिक्षिका सौ.स्वाती गायकवाड मॅडम , उपशिक्षिका श्रीमती . छाया गायकवाड मॅडम, ग्रामस्थ व विद्यार्थ्यांची उपस्थिती होती. कार्यक्रमाची सुरुवात सावित्रीबाई फुले यांच्या प्रतिमेला पुष्पहार अर्पण करून व दीपप्रज्वलनाने सुरवात करण्यात आली.कृषीदूतांनी सावित्रीबाई फुले यांच्या जीवनकार्याविषयी माहिती दिली. यानंतर उपशिक्षिका सौ. स्वाती गायकवाड मॅडम यांनी स्त्रीशिक्षण, सामाजिक न्याय आणि स्त्रियांच्या हक्कांसाठी दिलेले योगदान व सावित्रीबाईंच्या प्रेरणादायी विचारांवर मी सावित्राबाई फुले बोलतेय हा एकपात्री प्रयोग करून दाखविला .विद्यार्थ्यांनी सावित्रीबाई फुले यांच्या विचारांवर आधारित भाषणे सादर केली ज्यामुळे उपस्थितांना प्रोत्साहन मिळाले.कार्यक्रमाच्या यशस्वी आयोजनासाठी कृषीदूत - पिसाळ रविकुमार , फरांदे संकेत , सकट उत्कर्ष , धायगुडे प्रणव, थोरात चरण , वडणे अथर्व, ठोंबरे सौरभ, तूपसौंदर ओंकार  यांचे विशेष सहकार्य लाभले .